Rheolwr Comisiynu ac Ansawdd

Rheolwr Comisiynu ac Ansawdd Mae Adnodd yn gorff hyd braich Llywodraeth Cymru sy’n goruchwylio ac yn cydlynu’r gwaith o ddarparu adnoddau addysgol yn Gymraeg ac yn Saesneg i gefnogi ac ysbrydoli wrth ddysgu ac addysgu’r Cwricwlwm i Gymru. Gweledigaeth Adnodd yw bod gan bob dysgwr ac ymarferwr, beth bynnag fo’u cefndir, hawl i gael adnoddau addysgol o ansawdd uchel a fydd yn tanio eu dychymyg, yn cefnogi eu llesiant, ac yn annog cariad gydol oes at ddysgu. Y Cyfle Fel y Rheolwr Comisiynu ac Ansawdd, byddwch yn chwarae rhan allweddol yn y gwaith o lunio’r dirwedd adnoddau addysgol yng Nghymru. Byddwch yn arwain ymdrechion i fapio’r ddarpariaeth a’r galw presennol, ac ar ddarparu rhaglen gomisiynu a sicrhau ansawdd effeithiol i fynd i’r afael â’r blaenoriaethau a’r cyfleoedd y cytunwyd arnynt. Byddwch yn sicrhau bod adnoddau’n gynhwysol, yn hygyrch ac yn adlewyrchu cymunedau a dysgwyr amrywiol Cymru. Fel rhan o dîm deinamig, traws-swyddogaethol, byddwch yn helpu i ddatblygu casgliad cenedlaethol arloesol sy’n cefnogi’r Cwricwlwm i Gymru ac yn diwallu anghenion ymarferwyr a dysgwyr. Cyfrifoldebau Arwain y gwaith cynllunio strategol, comisiynu a sicrhau ansawdd ar adnoddau addysgol dwyieithog. Rheoli cyllidebau a staff, gan fanteisio i’r eithaf ar ddefnyddioldeb ac effaith adnoddau’r sefydliad. Goruchwylio’r gwaith o fapio’r ddarpariaeth bresennol, nodi anghenion y dyfodol, a rheoli’r gwaith o ddatblygu adnoddau o’r cam cysyniad i’r cam cyflawni. Gweithio’n agos ag ymarferwyr, cyflenwyr, crewyr cynnwys a Llywodraeth Cymru i sicrhau bod adnoddau’n diwallu anghenion yr ystafell ddosbarth a blaenoriaethau cenedlaethol. Monitro ac adrodd ar weithgareddau comisiynu a sicrhau ansawdd yn erbyn amcanion strategol, gan ddefnyddio data ac adborth defnyddwyr i fesur effaith a gwella prosesau’n barhaus. Hyrwyddo amrywiaeth, cynhwysiant a chynaliadwyedd ym mhopeth y mae Adnodd yn ei gomisiynu. Am Beth Ydyn ni’n Chwilio Profiad amlwg o gomisiynu neu ddatblygu adnoddau addysgol neu debyg. Sgiliau effeithiol o ran rheoli cyflenwyr a rhanddeiliaid. Profiad o arwain prosiectau neu reoli timau (mae profiad o reoli llinell yn ddymunol). Meddwl strategol, cynllunio prosiect a chynllunio gweithredol. Dealltwriaeth o addysg ddwyieithog a datblygu adnoddau, gan gynnwys hygyrchedd. Yn frwd dros degwch mewn addysg a’r iaith Gymraeg. Yn rhagweithiol mewn tîm ac yn rhoi sylw i’r manylion, gydag ymrwymiad i arloesi ac ansawdd. Mae sgiliau Cymraeg ar lefel ganolradd yn hanfodol. Bydd Adnodd yn helpu i ddatblygu rhagor o sgiliau Cymraeg. Gradd berthnasol neu gymhwyster cyfatebol. Tâl 37.5 awr yr wythnos – amgylchedd gweithio hyblyg Gwyliau blynyddol o 30 diwrnod ynghyd â gwyliau cyhoeddus Gwyliau ychwanegol - Dydd Gŵyl Dewi Cynllun Pensiwn y Gwasanaeth Sifil Amrywiaeth o fuddion ychwanegol I Wneud Cais Yolk Recruitment yw partner recriwtio penodol Adnodd ac felly bydd pob cais yn cael ei reoli gan y tîm yn Yolk drwy ddilyn proses recriwtio deg a thryloyw Adnodd ei hun. I wneud cais, cyflwynwch eich CV a llythyr eglurhaol (hyd at 500 gair) i Hannah Welfoot yn Yolk Recruitment. Dyddiad Cau: Dydd Llun 2 Mehefin Dyddiad y Cyfweliad a’r Asesiad: Dydd Gwener 13 Mehefin Lleoliad y Cyfweliad a’r Asesiad: Tramshed Tech, Stryd Pendyris, Caerdydd Ymunwch â ni yn ein cenhadaeth i greu gwaddol o brofiadau dysgu cynhwysol sy’n cefnogi ac yn ysbrydoli addysgwyr a dysgwyr fel ei gilydd. Mae Adnodd wedi ymrwymo i greu gweithle amrywiol, cynhwysol a grymusol lle mae pawb yn perthyn. Rydyn ni'n croesawu ceisiadau gan ymgeiswyr o bob cefndir, yn enwedig rhai o gymunedau Du, Asiaidd a Lleiafrifoedd Ethnig, a phobl anabl. Rydyn ni'n cydnabod ac yn gwerthfawrogi safbwyntiau a phrofiadau unigryw pob person, ac rydyn ni wedi ymrwymo i sicrhau tegwch yn ein proses recriwtio ac ar draws ein sefydliad

Location: Wales, GB

Posted Date: 5/23/2025